மாநில குழு விளையாட்டு போட்டி - திருப்பூரில் இருந்து 242 பேர் அடங்கிய குழு பங்கேற்பு

திருப்பூர் : 

பள்ளி கல்வித்துறை சார்பில் நாமக்கல், கொங்குநாடு பொறியியல் கல்லூரியில் 19 வயது பிரிவினருக்கான மாநில, குழு விளையாட்டு போட்டி 10ந் தேதி வரை நடக்கிறது

இதில் பங்கேற்க திருப்பூர் மாவட்ட அணிகளுக்கு வழியனுப்பு விழா ஜெய்வாபாய் அரசு பெண்கள் மேல்நிலைப்பள்ளியில் நடந்தது. மாநில போட்டிக்கு தேர்வாகியுள்ள திருப்பூர் மாவட்ட மாணவ, மாணவிகள் விவரம் வருமாறு: - உடுமலை ஆர்.ஜி., மெட்ரிக் பள்ளி, உடுமலை லுார்துமாதா கான்வென்ட் மெட்ரிக் பள்ளி (கால்பந்து), ஆர்.வி.ஜி., குறிச்சிக்கோட்டை மாணவர் மற்றும் மாணவிகள் அணி (ஹாக்கி), தாராபுரம் அரசு மேல்நிலைப்பள்ளி, தாராபுரம், செயின்ட் அலோசியஸ் பள்ளி (கூடைப்பந்து). காங்கயம் ராஜராஜேஸ்வரி மெட்ரிக் பள்ளி, காங்கயம், கார்மல் பெண்கள் பள்ளி (கோ கோ), மூலனூர் பாரதி வித்யாலயா மெட்ரிக் பள்ளி, ஜெய்வாபாய் மாநகராட்சி பெண்கள் மேல்நிலைப்பள்ளி (கபடி), திருப்பூர் வேலவன் மெட்ரிக் பள்ளி, வித்யவிகாசினி மெட்ரிக் பள்ளி (வாலிபால்).

பொங்கலூர் பி.வி.கே.என்., அரசு மேல்நிலைப்பள்ளி, பல்லடம் சுவாமி விவேகானந்தா மெட்ரிக் பள்ளி (த்ரோபால்), ஏ.வி.பி., டிரஸ்ட் பள்ளி, காங்கயம் கார்மல் பள்ளி (ஹேண்ட்பால்), சின்னச்சாமி அம்மாள் மாநகராட்சி பள்ளி, வித்யவிகாசினி பள்ளி (பால்பேட்மின்டன்), சென்சுரி பவுண்டேசன் பள்ளி, பிரன்ட்லைன் பள்ளி (பேட்மின்டன் - தனிநபர்), (பேட்மின்டன் - குழு) தி பிரன்ட்லைன் அகாடமி, கருவலூர் அரசு மேல்நிலைப்பள்ளி, பல்லடம், ஆதர்ஸ் வித்யாலயா (டேபிள் டென்னிஸ் - தனிநபர்), ஏ.வி.ஏ.டி., பள்ளி, சாமளாபுரம் கொங்கு வேளாளர் பள்ளி (டேபிள் டென்னிஸ் - குழு) ,டீ பப்ளிக் மெட்ரிக் பள்ளி, பிளாட்டோஸ் மெட்ரிக் பள்ளி (டென்னிஸ் - தனிநபர், குழு) உள்ளிட்ட 242 பேர் அடங்கிய குழு அணியினர் நாமக்கல் பயணமாகியுள்ளனர். வருகிற 10-ந் தேதி வரை நடக்கும் போட்டிகளில் இவர்கள் பங்கேற்பர்.