உள்ளூர் செய்திகள்
பல்லடம் அருகே வாக்காளர் பட்டியலில் சிறப்பு திருத்த முகாம்
- மொத்தம் 3லட்சத்து 84 ஆயிரத்து 486 வாக்காளர்கள் உள்ளனர்.
- வாக்காளர் பட்டியலுடன் ஆதார் இணைக்க 15 படிவங்களும் பெறப்பட்டன.
பல்லடம் :
பல்லடம் அருகே, வாக்காளர் பட்டியல் சிறப்பு திருத்த முகாம் நடைபெற்றது.
பல்லடம் சட்டமன்ற தொகுதியில் 9.11.22ம் தேதி வெளியிடப்பட்ட வாக்காளர் பட்டியல்படி 1லட்சத்து90 ஆயிரத்து379 ஆண்களும், 1லட்சத்து94ஆயிரத்து38 பெண்களும், 69 திருநங்கைகளும் ஆக மொத்தம் 3லட்சத்து 84 ஆயிரத்து 486 வாக்காளர்கள் உள்ளனர். இந்த நிலையில் வாக்காளர் பட்டியல் சிறப்பு திருத்த முகாம் பல்லடம் அருகே உள்ள அறிவொளி நகர் நரிக்குறவர் காலனியில் பல்லடம் தாசில்தார் நந்தகோபால் தலைமையில் நடைபெற்றது.இதில் வாக்காளர் பட்டியல் பெயர் சேர்க்க 10 படிவங்களும், குடிமாற்றம் செய்ய 2 படிவங்களும், வாக்காளர் பட்டியலுடன் ஆதார் இணைக்க 15 படிவங்களும் பெறப்பட்டன.இதில் தேர்தல் துணை தாசில்தார் தேன்மொழி,மற்றும் பொதுமக்கள் உட்பட பலர் கலந்து கொண்டனர்.