உள்ளூர் செய்திகள்
கோப்புபடம்.
அவிநாசியில் தடைசெய்யப்பட்ட 1 டன் பிளாஸ்டிக் பொருட்கள் பறிமுதல்
- சுகாதார ஆய்வாளா் கருப்புசாமி உள்ளிட்ட குழுவினா் அந்தக்கடையில் திடீா் சோதனையில் ஈடுபட்டனா்.
- கடை உரிமையாளருக்கு ரூ. 15 ஆயிரம் அபராதம் விதிக்கப்பட்டு எச்சரிக்கை விடுக்கப்பட்டது.
அவிநாசி:
அவிநாசி- கோவை சாலையில் உள்ள உலா் பழக்கடையில் பிளாஸ்டிக் பொருட்கள் விற்பனைக்காக வைக்கப்பட்டிருப்பதாக பேரூராட்சி நிா்வாகத்தினருக்கு தகவல் கிடைத்தது. இதையடுத்து பேரூராட்சி செயல் அலுவலா் செந்தில்குமாா், சுகாதார ஆய்வாளா் கருப்புசாமி உள்ளிட்ட குழுவினா் அந்தக்கடையில் திடீா் சோதனையில் ஈடுபட்டனா்.
அப்போது கடையில் இருந்த தடைசெய்யப்பட்ட பிளாஸ்டிக் பைகள், டம்ளா், தட்டு, மேசை விரிப்புகள் உள்ளிட்ட 1 டன் பிளாஸ்டிக் பொருள்களை பறிமுதல் செய்தனா். மேலும் கடை உரிமையாளருக்கு ரூ. 15 ஆயிரம் அபராதம் விதிக்கப்பட்டு எச்சரிக்கை விடுக்கப்பட்டது.