உள்ளூர் செய்திகள்
பல்லடம் அரசு கல்லூரியில் அரசியல் அமைப்பு தின விழா நிகழ்ச்சி
கல்லூரி வளாகத்தில் அரசியலமைப்பு தினத்தை முன்னிட்டு மரக்கன்றுகள் நடப்பட்டன.
பல்லடம்:
பல்லடம் வட்ட சட்டப் பணிகள் குழு சார்பாக அரசியல் அமைப்பு தின நிகழ்ச்சி பல்லடம் அரசு கலைக் கல்லூரியில் நடைபெற்றது. பல்லடம் சார்பு நீதிமன்ற நீதிபதி சந்தான கிருஷ்ணசாமி தலைமை வகித்தார். கல்லூரி முதல்வர் முனியன், குற்றவியல் நீதிபதி சித்ரா ஆகியோர் முன்னிலை வகித்தனர்.
இந்த நிகழ்ச்சியில், நீதிபதி சந்தான கிருஷ்ணசாமி, இந்திய அரசியல் அமைப்பில் உள்ள உரிமைகள், கடமைகள், சட்டம், நீதி துறையின் செயல்பாடு, உள்ளிட்டவை குறித்து மாணவர்களுக்கு விளக்கி பேசினார். பின்னர் கல்லூரி வளாகத்தில் அரசியலமைப்பு தினத்தை முன்னிட்டு மரக்கன்றுகள் நடப்பட்டன.