சி.எஸ்.ஐ. பள்ளிக்கு விளையாட்டு உபகரணங்கள் வழங்கல்

மானாமதுரை

சிவகங்கை மாவட்டம் மானாமதுரை சி.எஸ்.ஐ. உயர்நிலைப் பள்ளியில் வட்டார அளவிலான விளையாட்டுப் போட்டிகள் தொடங்கி நடந்து வருகிறது. போட்டியில் மானாமதுரை வட்டாரத்தைச் சேர்ந்த பள்ளி மாணவ, மாணவிகள் பங்கேற்று விளையாடி வருகின்றனர். இந்த நிலையில் சி.எஸ்.ஐ. உயர்நிலைப்பள்ளி மாணவர்கள் இந்த போட்டியில் பங்கேற்க வசதியாக மானாமதுரை வைரம் அரிமா சங்கம் சார்பில் விளையாட்டு உபகரணங்கள் வழங்கப்பட்டது.

பள்ளியில் நடந்த இதற்கான நிகழ்ச்சிக்கு சங்கத்தின் தலைவர்-ஓய்வுபெற்ற பேரூராட்சி செயல் அலுவலர் ரவிச்சந்திரன் தலைமை தாங்கி விளையாட்டு உபகரணங்களை வழங்கி பேசினார். தலைமை ஆசிரியர் செல்வின் ஆசிர்வாதம் வரவேற்றார். பள்ளியின் தாளாளர் பிச்சை, அரிமா சங்க நிர்வாகிகள் பூமிநாதன், முத்துக்குமார், அனுப்துபே ,பொறியாளர் காவேரி மற்றும் ஆசிரியர், ஆசிரியைகள் கலந்து கொண்டனர்.