புதிய மாவட்ட பொறுப்பு அமைச்சருக்கு எம்.எல்.ஏ வாழ்த்து

ஓசூர்,

கிருஷ்ணகிரி மாவட்ட பொறுப்பு அமைச்சராக, உணவு மற்றும் உணவுப்பொருள் துறை அமைச்சர் அர.சக்கரபாணி நியமிக்கப்பட்டுள்ளார். இதையடுத்து, திண்டுக்கல்லில் உள்ள அவரது அலுவலகத்தில், நேற்று கிருஷ்ணகிரி மேற்கு மாவட்ட செயலாளரும், ஓசூர் எம்.எல்.ஏ.வுமான ஒய்.பிரகாஷ் மரியாதை நிமித்தமாக நேரில் சந்தித்து, சால்வை அணிவித்தும், பூங்கொத்து வழங்கியும் வாழ்த்து தெரிவித்தார்.

அப்போது, ஓசூர் மாநகர செயலாளரும், மேயருமான எஸ்.ஏ.சத்யா, வேப்பனபள்ளி முன்னாள் எம்.எல்.ஏ.பி.முருகன் மற்றும் மாநில, மாவட்ட நிர்வாகிகள் உடன் இருந்தனர்.