கும்பகோணம் பகுதியில் மகா சிவராத்திரி விழா

கும்பகோணம்:

ஆண்டுதோறும் மாசி மாதத்தில் வரும் தேய் பிறை திரயோதசி பிரதோஷம் நாளில் மகாசிவராத்திரி விழா சிவாலயங்களில் நடைபெறுகிறது.

அந்த வகையில் இன்று மகா சிவராத்திரி விழா நடைபெறுகிறது.

திருப்பனந்தாள் அருணஜடேஸ்வரர் சுவாமி, செஞ்சடையப்பர் கோவில், கஞ்சனூர் அக்னீஸ்வர சுவாமி, திருமங்கலக்குடி பிராண நாதசுவாமி, சூரியனார் கோவில் சிவ சூரியபெருமான் காசி விஸ்வநாதர், சோழபுரம் கைலாசநாதர், திருலோக்கி கைலாசநாதர் உள்பட 14 முக்கிய சிவாலயங்களில் மகா சிவராத்திரி விழா நடக்கிறது.

 இதையொட்டி இன்று இரவு அர்த்தஜாம பூஜை முதல் மறுநாள் 19ந் தேதி அதிகாலை 5 மணி வரை 4 காலம் சிறப்பு ஹோமம், மகா அபிஷேக ஆராதனைகள், வேதபாராயணம் திருமுறை பாராயணம், நாதஸ்வர மற்றும் இன்னிசை நிகழ்ச்சிகள், அன்னதானம் நடைபெறுகிறது.

அந்தந்த கோவில் நிர்வாகத்தினர் ஏற்பாடுகளை செய்துள்ளனர்.