உள்ளூர் செய்திகள்
பென்னாகரம் பெண்களுக்கு சட்ட ஆலோசனை
- 100 நாள் வேலை திட்ட பணியாளர்களுக்கு சட்ட ஆலோசனை வழங்கப்பட்டது.
- பள்ளி மாணவர்கள் இடைநிற்றல் குறித்து விழிப்புணர்வு ஏற்படுத்தி சட்ட ஆலோசனைகளை வழங்கினார்.
பென்னாகரம்,
தருமபுரி மாவட்டம், பென்னாகரம் வட்ட சட்ட பணிகள் குழுவின் சார்பில் 100 நாள் வேலை திட்ட பணியாளர்களுக்கு சட்ட ஆலோசனை வழங்கப்பட்டது.
இதில் வழக்கறிஞர் தேவேந்திரன், நூறு நாள் வேலைத்திட்ட பணியாளர்களிடம் செல்போனின் நன்மை தீமைகள், இணையவழி குற்றங்கள், பெண்களுக்கு ஏற்படும் பாலியல் வன்கொடுமைகள், பெண் கல்வி, பள்ளி மாணவர்கள் இடைநிற்றல் குறித்து விழிப்புணர்வு ஏற்படுத்தி சட்ட ஆலோசனைகளை வழங்கினார்.
நிகழ்ச்சியில் இலவச சட்ட உதவி மைய தன்னார்வலர் சிவக்குமார், நூறு நாள் வேலைத்திட்ட பணியாளர்கள் உள்ளிட்ட 90-க்கும் மேற்பட்டோர் கலந்து கொண்டனர்.