பழையக்கோட்டையில் ரூ.20 லட்சத்திற்கு காங்கயம் இன மாடுகள் விற்பனை

காங்கயம்:

திருப்பூா் மாவட்டம் காங்கயத்தை அடுத்து நத்தக்காடையூா்-பழையகோட்டையில் காங்கேயம் இன மாடுகளுக்கான பிரத்யேக சந்தை ஞாயிற்றுக்கிழமைதோறும் நடைபெற்று வருகிறது. ஞாயிற்றுக்கிழமை நடைபெற்ற சந்தையில் மாடுகள், காளைகள், இளங்கன்றுகள் என 85 மாடுகள் விற்பனைக்குக் கொண்டு வரப்பட்டிருந்தன. இதில் 54 மாடுகள் மொத்தம் ரூ.20 லட்சத்துக்கு விற்பனையாயின. இந்த சந்தையில் அதிகபட்சமாக ரூ.70 ஆயிரத்துக்கு காங்கேயம் இன மயிலை பசு விற்பனையானது.