உள்ளூர் செய்திகள்

கலெக்டர் சாருஸ்ரீ.

விவசாயிகள் குறைதீர் கூட்டம்

Published On 2023-06-29 09:38 GMT   |   Update On 2023-06-29 09:40 GMT
  • திருவாரூர் மாவட்ட விவசாயிகளின் குறை தீர்க்கும் கூட்டம் நாளை நடைபெறவுள்ளது.
  • விவசாயிகளின் குறைகள் மற்றும் கோரிக்கைகளுக்கு பதிலளிக்க உள்ளனர்.

திருவாரூர்:

திருவாரூர் மாவட்ட கலெக்டர் சாருஸ்ரீ வெளியிட்டுள்ள செய்திகுறிப்பில் கூறியிருப்பதாவது :-

திருவாரூர் மாவட்ட விவசாயிகளின் குறை தீர்க்கும் நாள்கூட்டம் நாளை (வெள்ளிக்கிழமை) காலை 10.30 மணி முதல் 1.35 மணி வரை மாவட்ட ஆட்சியரக கூட்டரங்கில் நடைபெ றவுள்ளது.

இக்கூட்டத்தில் வேளாண்மை மற்றும் உழவர் நலத்துறை மற்றும் வேளாண்மை சார்ந்த தோட்டக்கலைத்துறை, வேளாண் விற்பனை மற்றும் வணிகத்துறை, வேளாண்மைப் பொறியியல் துறை, கால்நடை பராமரிப்புத்துறை, கூட்டு றவுத்துறை, வருவாய்த்துறை, ஊரக வளர்ச்சி மற்றும் உள்ளாட்சித்துறை, வங்கியாளர்கள் மற்றும் பிற சார்புத்துறை அலுவலர்கள் கலந்துக்கொண்டு விவசாயிகளின் குறைகள் மற்றும் கோரிக்கைகளுக்கு பதிலளிக்க உள்ளனர்.

மேற்படி கூட்டத்தில், திருவாரூர் மாவட்ட முன்னோடி விவசாயிகள் மற்றும் விவசாய சங்க பிரதிநிதிகள் தங்கள் விவசாயம் சார்ந்த கோரிக்கைகளை தெரிவித்து, இக்கூட்டத்தில் தவறாமல் கலந்து கொண்டு பயனடையுமாறு கேட்டு கொள்ளப்படுகிறது.

இவ்வாறு அதில் கூறப்பட்டுள்ளது. 

Tags:    

Similar News