உள்ளூர் செய்திகள்
லாரி மோதி வாலிபர் பலியானார்.
மதுரை
மதுரை பொன்மேனி நேரு நகரைச் சேர்ந்தவர் ஆரோக்கியராஜ் (வயது 21). இவர் இன்று காலை மோட்டார் சைக்கிளில் சென்றார். அவர் சம்மட்டிபுரம்- காளவாசல் பைபாஸ் சந்திப்பு பகுதியில் சென்ற போது பின்புறமாக வந்த லாரி மோதியது.
இதில் ஆரோக்கியராஜ் நிலை தடுமாறி கீழே விழுந்தார். அப்போது லாரியின் பின் சக்கரம் தலையில் ஏறியது. இதில் படுகாயமடைந்த ஆரோக்கியராஜ் சம்பவ இடத்திலேயே பரிதாபமாக இறந்தார். இதுபற்றிய தகவல் கிடைத்ததும் திடீர்நகர் போக்குவரத்து புலனாய்வு போலீசார் சம்பவ இடத்திற்கு விரைந்து சென்று பலியான வாலிபர் உடலை கைப்பற்றி பிரேத பரிசோதனைக்காக மதுரை அரசு மருத்துவமனைக்கு அனுப்பி வைத்தனர்.
மேலும் இது குறித்து வழக்குப்பதிவு செய்து லாரி டிரைவர் பிரபு என்பவரை பிடித்து போலீசார் விசாரணை நடத்தி வருகின்றனர்.