திருமருகல் அருகே கொரோனா தடுப்பூசி முகாம்

திட்டச்சேரி:

திருமருகல் ஒன்றியம் கீழப்பூதனூர் ஊராட்சி நத்தம் கிராமத்தில் கொரோனா தடுப்பூசி முகாம் நடைபெற்றது. முகாமிற்கு ஊராட்சி மன்ற தலைவர் சத்தியமூர்த்தி தலைமை தாங்கினார். வட்டார மருத்துவ அலுவலர் அறிவொளி முன்னிலை வகித்தார். இதில் 138 பேருக்கு கொரோனா தடுப்பூசி போடப்பட்டது..மேலும் 130 பேருக்கு கொரோனா பரிசோதனை செய்யப்பட்டது. முகாமில் மருத்துவர்கள் பிரித்திவிராஜ், இந்திரா, ஊராட்சி செயலாளர் அனிதாராணி, சுகாதார ஆய்வாளர் சுப்ரமணி மற்றும் செவிலியர்கள் கலந்து கொண்டனர்.