செய்திகள்
ஊத்தங்கரை அருகே பணம் வைத்து சூதாடிய 3 பேர் கைது
ஊத்தங்கரை அருகே பணம் வைத்து சூதாடிய 3 பேரை கைது செய்த போலீசார் அவர்களிடம் இருந்து ரூ.7 ஆயிரத்தை பறிமுதல் செய்தனர்.
ஊத்தங்கரை:
ஊத்தங்கரை போலீஸ் சப்-இன்ஸ்பெக்டர் சாந்தி மற்றும் போலீசார் நத்தன்கொட்டாய் சின்னப்பன் ஏரிகரை பகுதியில் ரோந்து பணியில் ஈடுபட்டனர்.
அப்போது அங்கு பணம் வைத்து சூதாடிய சாத்தனூர் பகுதியை சேர்ந்த ஸ்ரீனிவாசன்(வயது30), நத்தன்கொட்டாய் மோகன்(32), வண்டிகாரன்கொட்டாய் இளங்கோ(27) ஆகிய 3 பேரையும் போலீசார் கைது செய்தனர். அவர்களிடமிருந்து ரூ.7ஆயிரத்தை பறிமுதல் செய்தனர்.