ஆம்பூர் அருகே பைக் விபத்தில் டாக்டர் பலி

ஆம்பூர்:

நாகர்கோவிலை சேர்ந்த சிங் என்பவருடைய மகன் பெனடிக் (வயது 27). வேலூரில் உள்ள தனியார் ஆஸ்பத்திரியில் டாக்டராக பணியாற்றி வந்தார். இதே ஆஸ்பத்திரியில் பணியாற்றும் நர்ஸ் ஒருவருடன் இன்று காலை மோட்டார் சைக்கிளில் வேலூரிலிருந்து ஆம்பூர் நோக்கி சென்றார்.

வெங்கிலி தேசிய நெடுஞ்சாலையில் சென்றபோது கட்டுப்பாட்டை இழந்த பைக் சாலையோர தடுப்பில் மோதியது. இதில் இருவரும் படுகாயம் அடைந்தனர்.

ஆம்பூர் தாலுகா போலீசார் சம்பவ இடத்திற்கு விரைந்து சென்று 2 பேரையும் மீட்டு ஆம்பூர் அரசு ஆஸ்பத்திரிக்கு கொண்டு சென்றனர். ஆனால் வழியிலேயே டாக்டர் பெனடிக் பரிதாபமாக இறந்தார்.

நர்சுக்கு தீவிர சிகிச்சை அளிக்கப்பட்டு வருகிறது. ஆம்பூர் தாலுகா போலீசார் வழக்குப்பதிவு செய்து விபத்து குறித்து விசாரணை நடத்தி வருகின்றனர். டாக்டர் விபத்தில் பலியான சம்பவம் வேலூர் தனியார் ஆஸ்பத்திரி வட்டாரத்தில் பரபரப்பை ஏற்படுத்தியது.