செய்திகள்
கிருஷ்ணகிரி அருகே அடையாளம் தெரியாத வாகனம் மோதி முதியவர் பலி
கிருஷ்ணகிரி அருகே நடந்து சென்ற முதியவர் மீது அடையாளம் தெரியாத வாகனம் மோதியது. இதில் அவர் சம்பவ இடத்திலேயே பலியானார்.
கிருஷ்ணகிரி:
கிருஷ்ணகிரி அருகே உள்ள பையனப்பள்ளி பகுதியை சேர்ந்த விவசாயி ராமசாமி (வயது 65), இவர் நேற்று கிருஷ்ணகிரி-ஓசூர் தேசிய நெடுஞ்சாலையில் பையனப்பள்ளி பஸ் ஸ்டாப் அருகே நடந்து சென்று கொண்டிருந்தார். அந்த நேரம் அவ்வழியாக சென்ற அடையாளம் தெரியாத வாகனம் அவர் மீது மோதியது.
இதில் ராமசாமி சம்பவ இடத்திலேயே பலியானார். இந்த விபத்து குறித்து போலீஸ் சப்-இன்ஸ்பெக்டர் சர்தார்உசேன் வழக்குப்பதிவு செய்து விபத்தை ஏற்படுத்திய வாகனம் குறித்து விசாரணை நடத்தி வருகிறார்.