அரியலூர் மாவட்ட இறுதி வாக்காளர் பட்டியல்: கலெக்டர் சரவணவேல்ராஜ் வெளியிட்டார்

அரியலூர்:

அரியலூர் மாவட்ட கலெக்டர் அலுவலகத்தில் இறுதி வாக்காளர் பட்டியலை மாவட்ட கலெக்டர் சரவணவேல்ராஜ் வெளியிட்டு தெரிவித்தாவது:-

அரியலூர் மாவட்டத்தில் நடைபெற உள்ள உள்ளாட்சி தேர்தல் 2016-க்கான ஆறு ஊராட்சி ஒன்றியங்கள், இரண்டு நகராட்சிகள் மற்றும் இரண்டு பேரூராட்சிகளுக்கான இறுதி வாக்காளர் பட்டியல்களில் அரியலூர் மாவட்டத்தில் 3,03,629 ஆண் வாக்காளர்கள், 3,11,198 பெண் வாக்காளர்கள் மற்றும் மூன்றாம் பாலின வாக்காளர்கள் 4 பேர் ஆக மொத்தம் 614831 வாக்காளர்கள் அடங்கிய இறுதி வாக்காளர் பட்டியல் உள்ளது என மாவட்ட கலெக்டர் சரவணவேல்ராஜ் அவர்கள் தெரிவித்தார்.

இந்நிகழ்வில், மாவட்ட வருவாய் அலுவலர் (பொ) ரெங்கராஜன், மாவட்ட ஆட்சியரின் நேர்முக உதவியாளர் (தேர்தல்) கங்காதாரணி ஆகியோர் உடனிருந்தனர்.