ஜெயங்கொண்டத்தில் வாக்காளர்களுக்கு ராமஜெயலிங்கம் எம்.எல்.ஏ. நன்றி தெரிவித்தார்

ஜெயங்கொண்டம்:

சட்டமன்ற தேர்தலில் ஜெயங்கொண்டம் தொகுதியில் அ.தி.மு.க சார்பில் போட்டியிட்ட ஜே.கே.என்.ராமஜெயலிங்கம் வெற்றிபெற்றார்.

இதையடுத்து அவர் வாக்காளர்களுக்கு நன்றி தெரிவித்து வருகிறார். நேற்று ஆண்டிமடம் ஒன்றியத்திற்குட்பட்ட கருக்கை, ஆத்துக்குறிச்சி, விழுதுடையான், ஓலையூர், அழகாபுரம், சிலம்பூர், இடையக்குறிச்சி, கொடுக்கூர், குவாகம், வல்லம், சிலுவைச்சேரி உட்பட 15 கிராமங்களுக்கு சென்று வாக்காளர்களுக்கு நன்றி தெரிவித்தார்.

உடன் மாவட்ட துணை செயலாளர் தங்கபிச்சமுத்து, ஒன்றிய செயலாளர் சிங்காரம், பொதுக்குழு உறுப்பினர் எம்ஜிராமச்சந்திரன், ஜெயங்கொண்டம் நகர செயலாளர் செல்வராஜ், ஒன்றிய அம்மாபேரவை செயலாளர் செந்தில்ராஜன், கூட்டுறவு சங்கத்தலைவர் சம்பத், ஒன்றிய மாணவரணி செயலாளர் மருதமுத்து, ஒன்றிய அவைத்தலைவர் செல்வையா, மாவட்ட அண்ணா தொழிற்சங்க இணை செயலாளர் ஜெயசங்கர், அழகாபுரம் கூட்டுறவு சங்கத் தலைவர் செல்வராசு மற்றும் கவுன்சிலர் ரமேஷ், மகாபாரிவள்ளல், வருண், விஜய், தனஞ்செயன், லோகு உட்பட 100க்கும் மேற்பட்டோர் உடனிருந்தனர்.