இந்தியாவில் ராயல் என்ஃபீல்டு கிளாசிக் 500 பெகாசஸ் எடிஷன் வெளியானது

புதுடெல்லி:

ராயல் என்ஃபீல்டு நிறுவனத்தின் கிளாசிக் 500 பெகாசஸ் லிமிட்டெட் எடிஷன் மோட்டார்சைக்கிள் இந்தியாவில் வெளியிடப்பட்டது. முன்னதாக லண்டனில் அறிமுகம் செய்யப்பட்ட லிமிட்டெட் எடிஷன் மோட்டார்சைக்கிள் இந்தியாவில் வெறும் 250 யூனிட்கள் மட்டுமே விற்பனை செய்யப்படுகிறது.

ராயல் என்ஃபீல்டு லிமிட்டெட் எடிஷன் மோட்டார்சைக்கிள்கள் RE/WD 125 மோட்டார்சைக்கிளை சார்ந்து வடிவமைக்கப்பட்டுள்ளது. RE/WD 125 மாடல் 2-ஸ்டிரோக் மோட்டார்சைக்கிள் என்ற வகையில் அதிக பிரபலமான மாடலாக இருந்தது.

லிமிட்டெட் எடிஷன் ராயல் என்ஃபீல்டு மோட்டார்சைக்கிளின் ஃபியூயல் டேன்க்-இல் பெகாசஸ் லோகோ, ராணுவ தோற்றம் கொண்ட பை, பித்தளை பக்கிள்கள் கொண்ட லெதர் ஸ்டிராப், RE/WD 125 தோற்றம் கொண்ட டேன்க் பேட்ஜ் உள்ளிட்டவை வழங்கப்பட்டுள்ளது. இத்துடன் ஹேன்டிள்பார், ஹெட்லைட் பெசல், எக்சாஸ்ட் மஃப்ளர் இன்ஜின் மற்றும் ரிம்கள் முழுமையாக பிளாக்-டு அவுட் செய்யப்பட்டுள்ளது.

சர்வதேச சந்தையில் ராயல் என்ஃபீல்டு கிளாசிக் 500 பெகாசஸ் ஆலிவ் டிராப் கிரீன் மற்றும் சர்வீஸ் பிரவுன் என இரண்டு நிறங்களில் கிடைக்கிறது. எனினும் இந்தியாவில் பரவுன் நிற மாடல் மட்டுமே விற்பனை செய்யப்பட இருக்கிறது. ஒவ்வொரு லிமிட்டெட் எடிஷன் மோட்டார்சைக்கிளிலும் பிரத்யேக குறியீட்டு எண் மாடலின் ஃபியூயல் டேன்க்-இல் அச்சடிக்கப்படும். 

ராயல் என்ஃபீல்டு கிளாசிக் 500 பெகாசஸ் மாடலில் 499 சிசி, ஏர்-கூல்டு, சிங்கிள் சிலிண்டர் இன்ஜின் வழங்கப்பட்டுள்ளது. இந்த இன்ஜின் 27.2 பிஹெச்பி பவர், 41.3 என்எம் டார்கியூ செயல்திறன் கொண்டுள்ளது. இந்தியாவில் ராயல் என்ஃபீல்டு கிளாசிக் 500 பெகாசஸ் எடிஷன் விலை ரூ.2.49 லட்சம் (ஆன்-ரோடு மகாராஷ்ட்ரா) என நிர்ணயம் செய்யப்பட்டுள்ளது.