குழந்தைகளுக்கு விருப்பமான பீட்ரூட் மினி பூரி

தேவையான பொருட்கள் :

கோதுமை மாவு - ஒரு கப்,
சீரகம் - ஒரு டீஸ்பூன்,
மிளகுத்தூள், ஓமம் - தலா அரை டீஸ்பூன்,
பீட்ரூட் துருவல் - 2
கொத்தமல்லித்தழை - ஒரு டேபிள்ஸ்பூன்,
இஞ்சி - பூண்டு விழுது - ஒரு டீஸ்பூன்,
ஃப்ரெஷ் பச்சைப் பட்டாணி - 2 டேபிள்ஸ்பூன்
உப்பு, எண்ணெய் - தேவையான அளவு.



செய்முறை :

* கொத்தமல்லியை பொடியாக நறுக்கி கொள்ளவும்.

* பீட்ரூட்டை துருவிக்கொள்ளவும்.

*  பச்சை பட்டாணியை மிக்ஸியில் ஒன்று இரண்டாக அரைக்கவும்.

* ஒரு பாத்திரத்தில் கோதுமை மாவு, சீரகம், மிளகுத்தூள், ஓமம், பீட்ரூட் துருவல், கொத்தமல்லி, இஞ்சி - பூண்டு விழுது, பச்சை பட்டாணி, உப்பு சேர்த்து நன்றாக கலந்து சப்பாத்தி மாவு பதத்தில் பிசைந்து கொள்ளவும்.

* பிசைந்த மாவை சின்ன பூரிகளாக தேய்த்து, சூடான எண்ணெயில் போட்டு பொரித்து எடுத்துப் பரிமாறவும்.

* சூப்பரான சத்தான பீட்ரூட் மினி பூரி ரெடி.

* பச்சைப் பட்டாணி, கொத்தமல்லித்தழை, பீட்ரூட் சேர்வதால் பார்ப்பதற்கு கலர்ஃபுல்லாக இருக்கும். பீட்ரூட் பிடிக்காத குழந்தைகள்கூட விரும்பி சாப்பிடும்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.