சப்பாத்திக்கு சூப்பரான சைடிஷ் உருளைக்கிழங்கு முட்டை பொரியல்

தேவையான பொருட்கள் :

வெங்காயம் - 100 கிராம்
தக்காளி - 100 கிராம்
முட்டை - 4
கொத்தமல்லி - சிறிதளவு
உருளைக்கிழக்கு - 2
உப்பு - தேவைக்கு
மிளகு தூள் - 1 ஸ்பூன்
மிளகாய் தூள் - அரை ஸ்பூன்
மஞ்சள் தூள் - கால் ஸ்பூன்
உப்பு, எண்ணெய் - தேவைக்கு

தாளிக்க :

சீரகம் - கால் ஸ்பூன்
கடுகு, உளுந்தம் பருப்பு, கறிவேப்பிலை.



செய்முறை :

* தக்காளி, வெங்காயம், உருளைக்கிழங்கு, கொத்தமல்லியை பொடியாக நறுக்கி கொள்ளவும்.

* கடாயை அடுப்பில் வைத்து எண்ணெய் ஊற்றி சூடானதும் சீரகம், கடுகு, உளுந்தம் பருப்பு, கறிவேப்பிலை போட்டு தாளித்த பின் வெங்காயத்தை போட்டு வதக்கவும்.

* வெங்காயம் நன்றாக வதங்கியதும் அதில் தக்காளி, உருளைக்கிழங்கை போட்டு வதக்கவும். உருளைக்கிழங்கு வேக சிறிது தண்ணீர் தெளித்து மூடிவைத்து வேகவிடவும்.

* உருளைக்கிழங்கு வெந்ததும் அதில் மிளகாய் தூள், மஞ்சள் தூள், மிளகு தூள், உப்பு சேர்த்து மசாலா வாசனை போகும் வரை வதக்கவும்.

* அடுத்து அதில் முட்டையை உடைத்து ஊற்றி நன்றாக கிளறவும்.

* முட்டை நன்றாக வெந்து உதிரியாக வரும் போது கொத்தமல்லி தூவி இறக்கி பரிமாறவும்.

* சூப்பரான உருளைக்கிழங்கு முட்டை பொரியல் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.