ராஜஸ்தான் ஸ்பெஷல் மலாய் லஸ்ஸி

தேவையான பொருட்கள் :

புளிப்பு இல்லாத கெட்டித் தயிர் - 2 பெரிய கப்,
சர்க்கரை - 8 டீஸ்பூன்,
உப்பு - தேவைக்கு,
பால் ஆடை - தேவைக்கு,
பால் கிரீமுடன் சேர்ந்தது (சுண்டக் காய்ச்சியது) - 1/2 கப்,
ஐஸ் கட்டிகள் - தேவைக்கு
குங்குமப்பூ - சிறிது,
ஏலக்காய் - 2,

அலங்கரிக்க...

தனியாக சிறிது பால் ஆடை, கிரீம்.



செய்முறை :

* கெட்டித் தயிரை, சிறிது உப்பு, சர்க்கரை சேர்த்து மத்தால் பானையில் நன்றாக கடைய வேண்டும். அதை கடையும்போது நுரைத்து வரும். நடு நடுவில் கெட்டி கிரீமுடன் பால் சேர்த்து கடைய வேண்டும்.

* நன்றாக நுரைத்து வரும் போது இதில் ஐஸ்கட்டிகள், குங்குமப்பூவையும், ஏலக்காய் தட்டிப் போட்டு கடைந்து பானையில் பொங்க, பொங்க நுரையுடன் ஊற்றி அதன் மேல் சிறிது பால் ஆடையை வைத்து பரிமாறுங்கள்.

* இதன் ருசியும், மணமும் ஒரு தனி ஸ்பெஷல். இதில் பாதாம், பிஸ்தா சீவல் சேர்த்து அலங்கரித்தும் கொடுக்கலாம்.

குறிப்பு: பானை இல்லாவிட்டால் மிக்சியில் விட்டு விட்டு அடித்தால் நுரைத்து வரும்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.