குழந்தைகளுக்கு விருப்பமான நட்ஸ் குஜியா

தேவையான பொருட்கள் :

மேல் மாவுக்கு...

மைதா - 250 கிராம்,
ரவை - 1/2 கப்,
நெய் - 1 டேபிள்ஸ்பூன்,
தண்ணீர் - தேவையான அளவு,
சமையல் சோடா - 1 சிட்டிகை.

பூரணத்துக்கு...

பேரீச்சம் பழத் துண்டுகள், பாதாம், முந்திரி, திராட்சை, சாரைப் பருப்பு எல்லாம் சேர்த்து - 1 பெரிய கப்,
துருவிய கொப்பரை - 1 டேபிள்ஸ்பூன்,
சர்க்கரை இல்லாத கோவா - 1/2 கப்,
ஏலக்காய் தூள் - சிறிது,
குங்குமப்பூ - 1 சிட்டிகை,
சர்க்கரை - 1/2 கப்.

பாகுக்கு...

2 கப் சர்க்கரையை 1 கப் தண்ணீர் விட்டு கொதிக்க விடவும். வழக்கம் போல 1 டீஸ்பூன் பால் சேர்த்து நுரைத்து வரும் அழுக்கை எடுக்கவும். பாகுப் பதம் வந்ததும் இறக்கி வைக்கவும்.

பொரிப்பதற்கு...

நெய் அல்லது எண்ணெய் - தேவையான அளவு.



செய்முறை :

* மேல் மாவுக்குக் கொடுத்ததை தேவையான தண்ணீர், சூடான நெய் சேர்த்து பூரி மாவு பதத்துக்குப் பிசைந்து 30 நிமிடம் மூடி வைக்கவும்.

* பூரணத்துக்குக் கொடுத்த நட்ஸ், டிரை ஃப்ரூட்ஸ் ஆகியவற்றைப் கொரகொரப்பாக பொடித்து, கோவாவை துருவிக் கொள்ளவும். அதில் சர்க்கரை, ஏலக்காய் தூள், குங்குமப்பூ, சர்க்கரை சேர்த்து கடாயில் லேசாக வதக்கி சூடு செய்யவும். இந்தக் கலவை பூரணத்துக்கு.

* மேல் மாவிலிருந்து ஒரு பூரிக்கான அளவு மாவை எடுத்து வட்டமாக தேய்க்கவும்.

* அதனுள் ஒரு டேபிள்ஸ்பூன் பூரணத்தை வைத்து, அரை வட்டமாக மூடி (குஜியாவை) சோமாஸ் மாதிரி வடிவத்துக்குக் கொண்டு வந்து, தண்ணீர் தொட்டு சீல் செய்யவும். முறுக்கு மாதிரி சீல் செய்யலாம். அல்லது சோமாஸ் கட்டரில் கட் செய்யலாம்.

* இதே போல குஜியாக்களை செய்து, மிதமான தீயில் எண்ணெய் அல்லது நெய்யில் பொரித்து எடுக்கவும்.

* பாகை சிறிது சூடுபடுத்தி, பொரித்த குஜியாக்களை அதில் மூழ்க வைத்து, சிறிது நேரத்துக்குப் பின் எடுக்கவும். தனித்தனியாக அடுக்கி அலங்கரித்துப் பரிமாறவும்.

* நட்ஸ் குஜியா ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.