குழந்தைகளுக்கு விருப்பமான ஹாட் மசாலா நூடுல்ஸ்

தேவையான பொருட்கள் :

பிளெய்ன் நூடுல்ஸ் - 2 பாக்கெட் (200 கிராம்),
வெங்காயம் - 2
கோஸ் -  சிறிதளவு
கேரட் - 1 ,
குடமிளகாய்-  1
பூண்டு - 4 பல்
பச்சை மிளகாய் - 2,
மிளகுத்தூள், சாட் மசாலாத் தூள் - தலா அரை டீஸ்பூன்,
தக்காளி சாஸ் - 3 டீஸ்பூன்,
சில்லி சாஸ் - 2 டீஸ்பூன்,
சோயா சாஸ் - ஒரு டீஸ்பூன்,
வெங்காயத்தாள் - கால் கப்,
உப்பு, எண்ணெய் - தேவையான அளவு.

செய்முறை :

* வெங்காயம், பூண்டு, வெங்காயத்தாளை பொடியாக நறுக்கி கொள்ளவும்.

* கோஸ், கேரட், குடமிளகாயை நீளவாக்கில் மெலிதான நறுக்கி கொள்ளவும்.

* நூடுல்ஸை கொதிக்கும் நீரில் போட்டு, பின் வடிகட்டி, குளிர்ந்த நீரில் போட்டு அலசி தனியே வடித்து வைக்கவும்.

* ஒரு வாணலியில் எண்ணெய் விட்டு வெங்காயம் சேர்த்து பொன்னிறமாக வதங்கி... கோஸ், கேரட், குடமிளகாய், பூண்டு, பச்சை மிளகாய் சேர்த்து நன்றாக வதக்கவும்.

* காய்கறிகள் முக்கால் பாகம் வெந்தவுடன் மிளகுத்தூள், சாட் மசாலாத்தூள், உப்பு சேர்த்துக் கிளறி... தக்காளி சாஸ், சில்லி சாஸ், சோயா சாஸ் சேர்த்துக் கலக்கவும்.

* பின்னர் வேக வைத்த நூடுல்ஸை சேர்த்து நன்றாகக் கலக்கி... வெங்காயத்தாள் தூவி சூடாகப் பரிமாறவும்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.