நெத்திலி மீன் தொக்கு

தேவையான பொருட்கள்:

நெத்திலி மீன் - 500 கிராம்
எண்ணெய் - 1/4 கப்
வெந்தயம் - 1 டீஸ்பூன்
பூண்டு - 2 பற்கள்
மிளகாய் தூள் - 2 டீஸ்பூன்
தனியா தூள் - 1 டேபிள் ஸ்பூன்
மஞ்சள் தூள் - 1 டீஸ்பூன்
உப்பு - தேவையான அளவு
புளிச்சாறு - 4 டேபிள் ஸ்பூன்
கறிவேப்பிலை - 1 கைப்பிடி

அரைப்பதற்கு...

சின்ன வெங்காயம் - 20
தக்காளி - 2
பூண்டு - 10 பற்கள்
மிளகு - 1 டீஸ்பூன்
பச்சை மிளகாய் - 2

செய்முறை:

* தக்காளி, வெங்காயம், பூண்டை பொடியாக நறுக்கி கொள்ளவும்.

* அரைப்பதற்கு கொடுத்துள்ள பொருட்களை மிக்ஸியில் போட்டு நன்கு மென்மையாக அரைத்து, தனியாக வைத்துக் கொள்ள வேண்டும்.

* நெத்திலி மீனை நன்கு சுத்தம் செய்து கொள்ள வேண்டும்.

* ஒரு வாணலியை அடுப்பில் வைத்து, அதில் 1/4 கப் எண்ணெய் ஊற்றி காய்ந்ததும், வெந்தயம், பூண்டு சேர்த்து வதக்கி, பின் அரைத்து வைத்துள்ள மசாலாவை சேர்த்து 2 நிமிடம் வதக்க வேண்டும்.

* பின்பு அதில் தேவையான அளவு உப்பு மற்றும் மசாலாப் பொருட்கள் அனைத்தையும் சேர்த்து நன்கு 2 நிமிடம் கிளறி, எண்ணெய் தனியாக பிரியும் வரை வதக்க வேண்டும்.

* அடுத்து அதில் புளிச்சாற்றினை ஊற்றி கிளறி, குழம்பானது மசாலா போன்று சற்று கெட்டியாக வரும் போது, அதில் நெத்திலி மீனை சேர்த்து பிரட்டி, 10 நிமிடம் மூடி வைத்து வேக வைக்க வேண்டும்.

* மீன் நன்கு மென்மையாக வெந்ததும், அதில் ஒரு கைப்பிடி கறிவேப்பிலையைத் தூவி குறைவான தீயில் பிரட்டி, எண்ணெய் தனியாக பிரியும் வரை வேக வைத்து இறக்கினால், நெத்திலி மீன் தொக்கு ரெடி.