சமையல்
காலிபிளவர் முட்டை பொடிமாஸ்

இதயத்தை பலப்படுத்தும் காலிபிளவர் முட்டை பொடிமாஸ்

Update: 2022-01-18 05:29 GMT
காலிபிளவரில் ஒமேகா-3 கொழுப்பு அமிலங்கள் உள்ளதால் இது ரத்தத்தில் உள்ள கெட்ட கொழுப்பை கரைக்கும். இதை சமைப்பதற்கு அதிக நேரம் எடுத்துக் கொண்டால், இதன் ஊட்டச்சத்து நீங்கி விடும்.
தேவையான பொருட்கள்

காலிபிளவர் - 1 பூ சிறியது
முட்டை - 2
மிளகாய் தூள் - 2 டீஸ்பூன்
உப்பு - தேவையான அளவு

தாளிக்க

எண்ணெய் - தேவையான அளவு
பெருஞ்சீரகம் - சிறிது
கறிவேப்பிலை - சிறிது

 செய்முறை

காலிபிளவரை சிறிதாக நறுக்கி 5 நிமிடம் வேக வைத்து எடுத்துக் கொள்ளவும்.

ஒரு கடாயில் எண்ணெய் ஊற்றி தாளிக்க கொடுத்த வற்றை ஒவ்வொன்றாக போட்டு தாளித்த பின்னர் அவித்து வைத்த காலிபிளவரை போட்டு வதக்கவும்.

வதங்கியதும் அதில் மிளாகாய் பொடி, உப்பு போட்டு நன்கு வதக்க வேண்டும்.

பின்பு அதில் முட்டையை உடைத்து ஊற்றி நன்கு கிளற வேண்டும்.

முட்டை நன்றாக வெந்து உதிரியாக வரும் போது அடுப்பில் இருந்து இறக்கி பரிமாறவும்.

இப்போது சுவையான காலிபிளவர் முட்டை பொடிமாஸ் தயார்.
Tags:    

Similar News