பெண்கள் உலகம்
மருத்துவ குணங்கள் நிறைந்த செம்பருத்தி பூ ஜூஸ்
அழகு நிறைந்திருக்கும் செம்பருத்தி பூவில், மருத்துவ குணங்கள் நிறைந்திருக்கின்றன. அதன் இலை, மொட்டு, வேர் போன்ற அனைத்துமே மருந்தாகப் பயன்படுகிறது.
தேவையான பொருட்கள்:
செம்பருத்தி பூ - 10
தண்ணீர் - 3 கப்
எலுமிச்சம் பழம் - 1
தேன் - தேவையான அளவு.
செய்முறை:
பாத்திரத்தில் தண்ணீரை கொதிக்க வைத்து செம்பருத்திப் பூக்களைப் போட்டு மூடி, அடுப்பை அணைத்து விடவும்.
செம்பருத்தி கலந்த நீர் ஆறிய பின், வடிகட்டி எலுமிச்சம் பழ சாறு கலக்கவும்.
வண்ணமயமான ஆரஞ்சு நிறத்தில் கலவை மாறும். தேவையான தேன் கலக்கவும்.
சுவைமிக்க 'செம்பருத்தி பூ ஜூஸ் தயார்.
குளிர்பதனப் பெட்டியில் வைத்தும் பரிமாறலாம்.