சத்து நிறைந்த அகத்திக்கீரை பொரியல்

Published On 2020-11-01 05:19 GMT | Update On 2020-11-01 05:19 GMT

அகத்திக் கீரையை சாப்பிடுபவர்களுக்கு பித்த சம்பந்தமான நோய்கள் நீங்குவதுடன் உணவு எளிதில் ஜீரணமாகும். அகத்திக்கீரையில் சுண்ணாம்பு சத்து அதிகமாக இருப்பதால், அது பல் மற்றும் எலும்பு வளர்ச்சிக்கு உதவுகிறது.

தேவையான பொருட்கள்

அகத்திக்கீரை - 1 கட்டு
தேங்காய் துருவல் - விருப்பத்திற்கேற்ப
சின்ன வெங்காயம் - 50 கிராம்
உப்பு - தேவையான அளவு
வரமிளகாய் - 3
எண்ணெய் - 1 ஸ்பூன்
கடுகு - அரை தேக்கரண்டி
கறிவேப்பிலை - சிறிதளவு

செய்முறை

அகத்திக்கீரையை நன்றாக சுத்தம் செய்துபொடியாக நறுக்கி கொள்ளவும்.

சின்ன வெங்காயத்தை பொடியாக நறுக்கி கொள்ளவும்.

கடாயை அடுப்பில் வைத்து எண்ணெய் ஊற்றி சூடானதும் கடுகு, கறிவேப்பிலை, வரமிளகாய் போட்டு தாளித்த பின்னர் சின்ன வெங்காயம் சேர்த்து நன்றாக வதக்கவும்.

சின்ன வெங்காயம் நன்றாக வதங்கியதும் நறுக்கி வைத்திருக்கும் கீரையை சேர்த்து கிளறவும். மிதமான தீயில் வைத்து வேக விடவும்.

அடுத்து அதில் உப்பு சேர்க்கவும்.

கீரை முக்கால் பாகம் வெந்ததும் தேங்காய் துருவல் சேர்க்கவும்

நன்றாக கிளறி வெந்ததும் அடுப்பை அணைத்து சூடாகப் பரிமாறவும்.

சத்தான அகத்திக்கீரை பொரியல் ரெடி.

இந்த பொரியல் செய்ய எந்த கீரையையும் பயன்படுத்தலாம்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்