லைஃப்ஸ்டைல்
பேரிச்சம்பழ சோளப் பணியாரம்

உடலுக்கு நலம் சேர்க்கும் பேரிச்சம்பழ சோளப் பணியாரம்

Published On 2020-09-19 04:32 GMT   |   Update On 2020-09-19 04:32 GMT
உடலுக்கு நலம் சேர்க்கும் சிறுதானிய இனிப்பு பலகாரங்களை தயாரித்து சுவைக்கலாம். இன்று சோளப் பணியாரம் செய்வது எப்படி என்று பார்க்கலாம்.
தேவையான பொருட்கள் :

சோள மாவு - அரை கப்
உளுந்து மாவு - கால் கப்
தூளாக்கிய வெல்லம் - கால் கப்
பேரிச்சம்பழம் - 6 (சிறிதாக நறுக்கவும்)
சமையல் சோடா - சிறிதளவு
ஏலக்காய் - கால் தூள் டீஸ்பூன்
எண்ணெய் - தேவைக்கு

செய்முறை:

ஒரு பாத்திரத்தில் சோளமாவை போட்டு அதனுடன் உளுந்துமாவையும் ஒன்றாக சேருங்கள்.

பேரீச்சம்பழத்தையும் கலந்திடுங்கள்.

அகன்ற பாத்திரத்தில் வெல்லத்தை கொட்டி தண்ணீர் ஊற்றி பாகு காய்ச்சி வடிகட்டிக்கொள்ளவும்.

அதனுடன் சமையல் சோடா, ஏலக்காய் தூள் சேர்த்துக்கொள்ளவும்.

பின்பு உளுந்து - சோள மாவு - பேரீச்சம் பழம் கலந்த கலவையும் வெல்ல கரைசலுடன் சேர்த்து தோசை மாவு பதத்துக்கு கரைத்துக்கொள்ளவும்.

அதனை அரை மணி நேரம் அப்படியே வைத்திருங்கள்.

பின்பு பணியாரக்கல்லை அடுப்பில் வைத்து எண்ணெய் தடவி மாவு கரைசலை ஊற்றி பணியாரங்களாக சுட்டெடுக்கவும்.

சூப்பரான சோளப் பணியாரம் ரெடி.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News