சத்தான சைடிஷ் கேரட் தயிர் பச்சடி

தேவையான பொருட்கள் :

தயிர் - 1 கப்
கேரட் - 2
உப்பு - தேவையான அளவு
பெருங்காயத்தூள் - கால் டீஸ்பூன்
சீரகம் - அரை டீஸ்பூன்
கொத்தமல்லித்தழை - சிறிதளவு

தாளிக்க :

எண்ணெய் - அரை டீஸ்பூன்
கடுகு - அரை டீஸ்பூன்
இஞ்சி - அரை டீஸ்பூன்
உளுந்து - அரை டீஸ்பூன்
பச்சை மிளகாய் - 2



செய்முறை :

* கேரட்டை துருவிக்கொள்ளவும்.

* இஞ்சி, ப..மிளகாய், கொத்தமல்லியை பொடியாக நறுக்கி கொள்ளவும்.

* ஒரு கிண்ணத்தில் தயிர், உப்பு, பெருங்காயத்தூள் சேர்த்து, முட்டை அடித்துக் கலக்கும் கரண்டியால் க்ரீம் பதத்துக்கு அடித்துக் கலக்கவும்.

* அடுப்பில் வாணலியை வைத்து எண்ணெய் ஊற்றி, தாளிக்க வேண்டியதைச் சேர்த்துத் தாளித்த பின் அதில் கேரட் துருவல், சீரகம், கொத்தமல்லித்தழை சேர்த்து ஒரு நிமிடம் வதக்கி அடுப்பை அணைக்கவும்.

* வதக்கிய கேரட் கலவையை தயிர்க்கலவையில் சேர்த்துக் கலக்கிப் பரிமாறவும்.

* சத்தான கேரட் தயிர் பச்சடி ரெடி.

* இதை சாலட் போன்றும் சாப்பிடலாம். அனைத்து காய்கறிகளிலும் இந்த பச்சடியை செய்யலாம்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.