இடுப்பு பகுதியில் உள்ள கொழுப்பை கரைக்கும் அர்த்த நாவாசனம்

தொப்பையைக் குறைக்க எத்தனையே வழிகள் இருந்தாலும், உடற்பயிற்சிக்கு இணை எதுவும் வர முடியாது. அதிலும் யோகாவை ஒருவர் தினமும் செய்து வந்தால், அதனால் தொப்பை குறைவதோடு, ஒட்டு மொத்த உடல் ஆரோக்கியமும் மேம்படும்.

இந்த யோகாசனம் தட்டையான வயிற்றைப் பெற உதவும் மற்றும் இடுப்பு பகுதியைச் சுற்றியுள்ள கொழுப்புக்களைக் கரைக்கும். மேலும் இந்த ஆசனத்தினால் முதுகு மற்றும் கால் தசைகள் வலிமைப் பெறும்.

செய்முறை

இந்த ஆசனத்திற்கு முதலில் தரையில் படுத்து, பின் மூச்சை உள்ளிழுத்தவாறு மேல் உடலையும், கால்களையும் மேலே உயர்த்த வேண்டும். பின்னர் படத்தில் உள்ளபடி கால்களை மடக்க வேண்டும். பின்னர் கைகளை கால் முட்டியின் அருகே கொண்டு வர வேண்டும். இந்நிலையில் 15 நொடிகள் இருந்து, பின் மூச்சை வெளியே விட்டவாறு பழைய நிலைக்கு திரும்புங்கள்.

இவ்வாறு 3 முதல் 5 முறை செய்ய வேண்டும்.