மார்த்தால் புனித பிரான்சிஸ் அசிசியார் ஆலய திருவிழா நாளை தொடங்குகிறது

பூதப்பாண்டியை அடுத்த திட்டுவிளை மார்த்தால் புனித பிரான்சிஸ் அசிசியார் ஆலய திருவிழா நாளை (வெள்ளிக்கிழமை) மாலை கொடியேற்றத்துடன் தொடங்கி 3 நாட்கள் நடக்கிறது. திருவிழா நாட்களில் முதல் நாளன்று மாலை 6 மணிக்கு இறச்சகுளம் பங்குத்தந்தை பேட்ரிக் சேவியர் தலைமையில் கொடியேற்றமும், திருப்பலியும் நடக்கிறது.

புதுக்குடியிருப்பு பங்குத்தந்தை ஜெயச்சந்திரன் ரூபன் மறையுரையாற்றுகிறார். விழாவின் இறுதி நாளான ஞாயிற்றுக்கிழமை காலை 7.30 மணிக்கு ஜெபமாலை, புகழ்மாலை, 8 மணிக்கு தடிக்காரன்கோணம் மனுவேல் பன்னீர்செல்வம் தலைமையில் திருப்பலி, மறையுரை நடக்கிறது.

மாலை 6.30 மணிக்கு கொடியேற்றம் மற்றும் நற்கருணை ஆசீர் நடக்கிறது. விழா ஏற்பாடுகளை பங்குத்தந்தை மரியதாஸ், அருட்பணி சஜு, அருட்சகோதரிகள், பங்கு அருட்பணி பேரவையினர் மற்றும் பங்கு இறைமக்கள் செய்துள்ளனர்.