சினிமா
ஸ்ரீநிவாஸ் கவிநயம் இயக்கத்தில் ஹரி கிருஷ்ணா பாஸ்கர் - அம்ரிதா நடிப்பில் ஒரே இடத்தில் படமான திகில் கதையான ‘பேய்பசி’ படத்தின் முன்னோட்டம்.
ரெட் ஈஸ்ட் கிரியேஷன் ஸ்ரீநிதி ராஜாராம் தயாரிக்கும் படம் ‘பேய்பசி’. இதில் ஹரி கிருஷ்ணா பாஸ்கர் கதாநாயகன் ஆக நடிக்கிறார். கதாநாயகியாக அம்ரிதா நடிக்கிறார். இவர்களோடு விபின், புதுமுகம் நமீதா, டேனியல், பகவதி பெருமாள், கருணாகரன் உள்பட பலர் நடிக்கிறார்கள்.
இசை - யுவன் சங்கர் ராஜா, ஒளிப்பதிவு - டோனி சான், படத்தொகுப்பு - மோகன் முருகதாஸ், கலை - மதன், இயக்கம் - ஸ்ரீநிவாஸ் கவி நயம்.
“இது ஒரு டிபார்ட்மென்டல் ஸ்டோர்ஸ் உள்ளே நடக்கும் திகில் கதை. ஒரே இடத்தில் நடந்தாலும், சுவாரஸ்யம் எவ்விதத்திலும் குறையாதவாறு திரைக்கதை அமைக்கப்பட்டுள்ளது. படத்தின் கதைக்கு பொருத்தமான தலைப்பை பற்றி ஆலோசனை செய்த பொழுது , ‘பேய் பசி’ அமைந்தது.
போஸ்ட் புரொடக்ஷன் பணிகள் முடியும் தருவாயில் உள்ளன. ஒரு தரமான சுவாரஸ்யமான படத்தை உருவாக்கி உள்ளோம் என உறுதியாக நம்புகிறேன்.
யுவன் சங்கர் ராஜா பின்னணி இசை இந்த படத்தின் ஒரு முக்கிய ஹீரோவாகும். அவரது இசை இந்த கதையையும், காட்சிகளையும் மெரு கேற்றி, திகிலின் உச்சத்திற்கு கொண்டு போயுள்ளது. இந்த படத்திற்காக மிக சுவாரஸ்யமான ஒரு டிரோமோ பாடலையும் அவர் இசைஅமைத்து பாடியுள்ளார்” என்றார்.