இறுதிக்கட்ட படப்பிடிப்பில் தீவிரம் காட்டும் வாரிசு படக்குழு

வம்சி இயக்கத்தில் நடிகர் விஜய் நடித்து வரும் 'வாரிசு' திரைப்படம் தமிழ் மற்றும் தெலுங்கு மொழிகளில் நேரடியாக வெளியாக உள்ளது. இப்படத்தில் விஜய்க்கு ஜோடியாக நடிகை ராஷ்மிகா மந்தனா நடித்து வருகிறார். மேலும், பிரகாஷ்ராஜ், சரத்குமார், குஷ்பூ, ஷாம், யோகி பாபு உள்ளிட்ட பலர் முக்கிய கதாபாத்திரத்தில் நடிக்கின்றனர்.

இப்படத்தின் படப்பிடிப்பு விறுவிறுப்பாக நடைபெற்று வருகிறது. அடுத்த மாத இறுதிக்குள் இதன் முழு படப்பிடிப்பும் முடிவடைந்துவிடும் எனக் கூறப்படுகிறது. மேலும், இப்படத்தின் முதல் சிங்கிள் விரைவில் வெளியாகும் என எதிர்பார்க்கப்படுகிறது.

இந்நிலையில் வாரிசு படத்தின் இறுதிக்கட்ட படப்பிடிப்பு இன்று தொடங்குவதாக படக்குழு அறிவித்துள்ளது. இதனை படத்தயாரிப்பு நிறுவனமான ஸ்ரீ வெங்கடேஸ்வரா கிரியேஷன்ஸ், தனது அதிகாரப்பூர்வ சமூக வலைத்தளப் பக்கத்தில் தெரிவித்துள்ளது. அதில் இன்னும் 2 பாடல்களும், 2 சண்டை காட்சிகளும் மட்டுமே படமாக்க வேண்டியுள்ளதாக தெரிவிக்கப்பட்டுள்ளது. அதே போல் ஏற்கனவே அறிவித்தபடி, வாரிசு திரைப்படம் 2023 பொங்கலுக்கு ரிலீசாகும் என்பதையும் படத்தயாரிப்பு நிறுவனம் உறுதி செய்துள்ளது. இதனை ரசிகர்கள் வைரலாக்கி வருகின்றனர்.