மும்பையில் செட்டிலாகிவிட்டேனா..? விளக்கமளித்த சூர்யா

இயக்குனர் சிவா இயக்கத்தில் சூர்யா 'கங்குவா' படத்தில் நடித்து வருகிறார். ஸ்டுடியோ கிரீன் மற்றும் யுவி கிரியேஷன் நிறுவனம் இணைந்து தயாரிக்கும் இந்த படத்தில் பாலிவுட் நடிகை திஷா பதானி, யோகி பாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கிய கதாபாத்திரங்களில் நடிக்கின்றனர். தேவி ஸ்ரீ பிரசாத் இசையமைக்கும் இந்த படம் 3டி முறையில் சரித்திர படமாக 10 மொழிகளில் வெளியாகவுள்ளது.

இதைத்தொடர்ந்து சூர்யா நடிக்கும் 43-வது படத்தை இயக்குனர் சுதா கொங்கரா இயக்கவுள்ளதாக கூறப்படுகிறது. இப்படத்தின் படப்பிடிப்பு அக்டோபர் மாதம் தொடங்கவுள்ளதாக தகவல் வெளியாகியுள்ளது. சமீபத்தில் நடிகர் சூர்யா ரசிகர்களை சந்தித்தார். அப்போது நீங்கள் மும்பையில் செட்டிலாகிவிட்டீர்களா? என்று ரசிகர் ஒருவர் கேள்வி எழுப்பினார்.

குடும்பத்துடன் சூர்யா

இதற்கு, தனது மகள் தியா, மகன் தேவ் இருவரும் மும்பையில் படித்து வருகின்றனர். அதனால் அவர்களைப் பார்க்க அடிக்கடி அங்கு சென்றுவருகிறேன். மற்றபடி நான் சென்னையில்தான் இருக்கிறேன். மும்பையில் செட்டிலாகவில்லை என்று தெரிவித்துள்ளதாக கூறப்படுகிறது.