சினிமா
அடுத்த கட்டத்திற்கு செல்லும் இராவண கோட்டம்
விக்ரம் சுகுமாரன் இயக்கத்தில், சாந்தனு பாக்யராஜ் நடிப்பில் உருவாகி வரும் இராவணகோட்டம் திரைப்படம் அடுத்த கட்டத்திற்கு சென்றுள்ளது.
நடிகர் சாந்தனு பாக்யராஜ் நடிப்பில் விக்ரம் சுகுமாரன் இயக்கத்தில், கண்ணன் ரவி குரூப் சார்பில் தயாரிப்பாளர் கண்ணன் ரவி தயாரிக்கும் திரைப்படம் “இராவணகோட்டம்”. இதில் சாந்தனுக்கு ஜோடியாக கயல் ஆனந்தி நடித்துள்ளார். மேலும் பிரபு, இளவரசு, தீபா, அருள்தாஸ், சுஜாதா உள்ளிட்டோர் முக்கிய கதாப்பாத்திரங்களில் நடித்துள்ளனர். ஜஸ்டின் பிரபாகரன் இப்படத்திற்கு இசையமைத்துள்ளார்.
இராவண கோட்டம் படக்குழுவினர்
விறுவிறுப்பாக நடைபெற்று வந்த இப்படத்தின் படப்பிடிப்பு தற்போது நிறைவடைந்து இருப்பதாக படக்குழுவினர் அறிவித்துள்ளனர். மேலும் நிறைவு நாளில் கேக் வெட்டி படக்குழுவினர் கொண்டாடியுள்ளனர். இதன் புகைப்படங்கள் சமூக வலைத்தளத்தில் வைரலாகி வருகிறது. படப்பிடிப்பு முடிந்ததை அடுத்து, பின்னணி வேலைகளில் படக்குழுவினர் தீவிரமாக ஈடுபட உள்ளனர்.