சினிமா
புதிய படத்திற்கு பூஜை போட்ட சசிகுமார்
கிராமத்து பின்னணியில் பிரம்மாண்டமாக ஆக்சன் மற்றும் ஜனரஞ்சக அம்சங்களுடன் உருவாகும் புதிய படத்தில் சசிகுமார் நடிக்கிறார்.
இயக்குநரும், நடிகருமான சசிகுமார், டி.இமான் இசையில், அறிமுக இயக்குநர் எம்.ஹேமந்த் குமார் இயக்கத்தில் புதிய படமொன்றில் நடிக்கிறார். இப்படத்திற்கான பாடல் பதிவுடன் இன்று பூஜை போடப்பட்டுள்ளது.
பெயரிடப்படாத இந்த புதிய படத்தை கார்த்தி நடிக்கும் சர்தார் திரைப்படத்தை தயாரித்து வரும் பிரின்ஸ் பிக்சர்ஸ் எஸ்.லஷ்மன் குமார் புரொடக்சன் 5வது படைப்பாக மிகுந்த பொருட்செலவில் தயாரிக்கிறார்.
படக்குழுவினர்
கிராமத்து பின்னணியில் பிரம்மாண்டமாக ஆக்சன் மற்றும் ஜனரஞ்சக அம்சங்களுடன் உருவாகும் இப்படத்தில் நடிக்கும் நடிகர், நடிகைகள் மற்றும் தொழில் நுட்பக் கலைஞர்கள், படப்பிடிப்பு போன்ற விபரங்கள் விரைவில் அறிவிக்கப்பட இருக்கிறார்கள்.