சினிமா
அஜித்

ரிலீஸ் அப்டேட்டுடன் வெளியான ‘வலிமை’ மோஷன் போஸ்டர் - அஜித் ரசிகர்கள் உற்சாகம்

Published On 2021-07-11 12:46 GMT   |   Update On 2021-07-11 12:46 GMT
அஜித் - எச்.வினோத் கூட்டணியில் உருவாகி உள்ள படம் வலிமை, இப்படத்தின் மோஷன் போஸ்டர் சமூக வலைதளங்களில் வைரலாகி வருகிறது.
அஜித் நடிப்பில் தற்போது உருவாகி வரும் படம் வலிமை. எச்.வினோத் இயக்கும் இந்தப் படத்திற்கு யுவன் ஷங்கர் ராஜா இசையமைக்கிறார். போனி கபூர் தயாரிக்கும் இப்படத்தில் அஜித்துக்கு ஜோடியாக பாலிவுட் நடிகை ஹூமா குரேஷியும், வில்லனாக தெலுங்கு நடிகர் கார்த்திகேயாவும் நடிக்கின்றனர். 

இப்படத்தின் பெரும்பாலான படப்பிடிப்பு முடிந்துவிட்டது. இன்னும் ஒரு சண்டை காட்சி மட்டுமே எஞ்சியுள்ளது. இதனை தற்போது ஐதராபாத்தில் படமாக்கி வருகின்றனர். கடந்த 2019-ம் ஆண்டு வலிமை படத்தின் தலைப்பு அறிவிக்கப்பட்டதற்கு பின், இப்படம் குறித்த எந்தவித அதிகாரப்பூர்வ அப்டேட்டும் வெளியாகவில்லை. 

வலிமை அப்டேட்டுக்காக ஓராண்டுக்கு மேலாக காத்திருக்கும் ரசிகர்களுக்கு இன்ப அதிர்ச்சி கொடுக்கும் விதமாக, இன்று வலிமை படத்தின் மோஷன் போஸ்டரை வெளியிட்டுள்ளனர். எந்தவித முன் அறிவிப்பும் இன்றி வெளியான இந்த மோஷன் போஸ்டருக்கு ரசிகர்களிடையே அமோக வரவேற்பு கிடைத்துள்ளது.


வலிமை டைட்டில் லுக் போஸ்டர்

அஜித்தின் மாஸான லுக் மற்றும் யுவன் சங்கர் ராஜாவின் மெர்சலான தீம் மியூசிக் என அஜித் ரசிகர்களை திருப்திபடுத்தும் வகையில் அமைந்துள்ள இந்த மோஷன் போஸ்டர் சமூக வலைதளங்களில் வைரலாகி வருகிறது. இந்த மோஷன் போஸ்டரில் வலிமை படம் இந்தாண்டு வெளியாகும் என குறிப்பிடப்பட்டுள்ளது.


Tags:    

Similar News