சினிமா
பண்டிகை தினத்தை டார்கெட் செய்யும் ‘கே.ஜி.எப்-2’?
பிரம்மாண்ட பொருட்செலவில் தயாராகி உள்ள ‘கே.ஜி.எப். 2’ படத்தின் ரிலீஸ் குறித்த புதிய தகவல் வெளியாகி உள்ளது.
பிரஷாந்த் நீல் இயக்கத்தில் யாஷ், ஸ்ரீநிதி ஷெட்டி நடிப்பில் கடந்த 2018 ஆம் ஆண்டு வெளியான படம் ‘கே.ஜி.எப்’. இப்படம் பிரம்மாண்டமான வசூல் சாதனை செய்தது. தற்போது இந்த படத்தின் 2வது பாகம் உருவாகி வருகிறது. இதில் யாஷுடன் ஸ்ரீநிதி ஷெட்டி, சஞ்சய் தத், பிரகாஷ் ராஜ், ரவீனா டண்டன் உள்ளிட்டோர் நடித்துள்ளார்கள்.
இப்படத்தை முதலில் ஜுலை 16-ந் தேதி வெளியிட திட்டமிட்டிருந்தார்கள். ஆனால், கொரோனா 2-வது அலை காரணமாக படத்தின் பணிகள் முடிவடையாததால் படத்தின் ரிலீஸ் தள்ளிவைக்கப்படுவதாக படக்குழு நேற்று அதிகாரப்பூர்வமாக அறிவித்திருந்தது.
யாஷ்
இந்நிலையில், இப்படத்தின் புதிய ரிலீஸ் தேதி குறித்த தகவல் வெளியாகி உள்ளது. அதன்படி முதல் பாகம் வெளியானதைப் போலவே கிறிஸ்துமஸ் விடுமுறை நாட்களில் இப்படத்தை வெளியிட படக்குழு ஆலோசித்து வருவதாக கூறப்படுகிறது. அதற்குள் இயல்புநிலை திரும்பி, திரையரங்குகள் 100 சதவீத இருக்கைகளுடன் இயங்க அனுமதி கிடைத்துவிடும் என்பதால், கிறிஸ்துமஸ் விடுமுறை நாட்களில் வெளியிடுவது படத்திற்கு பிளஸ் ஆக அமையும் என படக்குழு கருதுகிறதாம்.