ஹாலிவுட்டில் அறிமுகமாகும் பிரபல தமிழ் நடிகை

தமிழ் மற்றும் தெலுங்கில் முன்னணி ஹீரோயினாக வலம் வருபவர் நடிகை காஜல் அகர்வால். தென்னிந்திய படங்களில் மட்டும் கவனம் செலுத்தி வரும் இவர் தற்போது ஷங்கர்-கமல் கூட்டணியில் உருவாகி வரும் இந்தியன் 2 படத்திலும், பாரிஸ் பாரிஸ் படத்திலும் நடித்து வருகிறார். 

இந்நிலையில், காஜல் ஹாலிவுட் படத்தில் நடிக்க உள்ளதாக தகவல் வெளியாகி உள்ளது. 

இந்த படத்தை முன்னணி ஹாலிவுட் இயக்குனர் ஒருவர் இயக்கவுள்ளதாகவும், அது ஆங்கிலம் மற்றும் தெலுங்கில் உருவாகவுள்ளதாகவும் கூறப்படுகிறது.

இந்த படத்தினை பிரபல தெலுங்கு ஹீரோ விஷ்ணு மஞ்சு தயாரிக்கவுள்ளதாக தகவல்கள் தெரிவிக்கின்றன. விரைவில் இப்படம் தொடர்பான அதிகாராபூர்வ அறிவிப்பு வெளியாகக்கூடும்.