ஜோடி இல்லாமல் நடிக்கும் கார்த்தி

கார்த்தி நடிக்கும் 18-வது புதிய படத்தின் படப்பிடிப்பு பூஜையுடன் இன்று ஆரம்பரமானது. பெயரிடப்படாத இப்படத்திற்கு தற்காலிகமாக ‘கார்த்தி 18’ என்று பெயரிடப்பட்டுள்ளனர். ‘தீரன் அதிகாரம் ஒன்று’, ‘கடைக்குட்டி சிங்கம்’ என அடுத்தடுத்து மாபெரும் வெற்றிப்படங்களைக் கொடுத்து வரும் கார்த்தியுடன் இயக்குனர் லோகேஷ் கனகராஜ் இணைந்திருக்கிறார்.

சிறந்த திரைக்கதை, சிறந்த இயக்கம் என ‘மாநகரம்’ படம் மூலம் அனைவராலும் பாராட்டுப்பெற்ற லோகேஷ் கனகராஜ் இயக்கும் இரண்டாவது படம் இது. கதாநாயகி இல்லாத இப்படத்தில் நரேன் (அஞ்சாதே), ரமணா, ஜார்ஜ் மரியான் ஆகியோர் முக்கிய கதாபாத்திரங்களாக நடிக்க, மற்ற நடிகர், நடிகைகள் தேர்வு நடைபெற்று வருகிறது.

முழுக்க முழுக்க ஆக்‌ஷன் திரில்லர் படமாக மிகவும் பிரம்மாண்டமாக உருவாக இருக்கிறது. சாம்.சி.எஸ். இப்படத்திற்கு இசையமைக்கிறார். சென்னை மற்றும் திருநெல்வேலியில் இப்படம் உருவாகிறது. இப்படத்தை ட்ரீம் வாரியர் பிக்சர்ஸ் மற்றும் விவேகானந்தா பிக்சர்ஸ் நிறுவனமும் இணைந்து தயாரிக்கிறார்கள்.

கார்த்தியின் நடிப்பில் உருவாகியுள்ள ‘தேவ்’ படம் ரிலீஸுக்கு தயாராகி வருகிறது என்பது குறிப்பிடத்தக்கது.