சினிமா
ஹிப்ஹாப் தமிழாவின் அடுத்த படம் நட்பே துணை
பார்த்திபன் தேசிங்கு இயக்கத்தில் ஹிப் ஹாப் தமிழா ஆதி ஹாக்கி விளையாட்டை மையப்படுத்தி உருவாகி வரும் படத்திற்கு `நட்பே துணை' என்று தலைப்பு வைக்கப்பட்டுள்ளது. #NatpeThunai #HHT2
`மீசைய முறுக்கு' படத்தை தொடர்ந்து ஹிப் ஹாப் தமிழா ஆதி தற்போது ஹாக்கி விளையாட்டை மையப்படுத்தி உருவாகி இருக்கும் புதிய படத்தில் நடித்து வருகிறார்.
பார்த்திபன் தேசிங்கு இயக்கும் இந்த படத்தில் ஆதி ஜோடியாக புதுமுகம் அனகா நடித்திருக்கிறார். சுந்தர்.சி தனது சொந்த நிறுவனமான அவ்னி மூவிஸ் மூலம் தயாரித்திருக்கிறார். படப்பிடிப்பு முடிந்து பின்னணி வேலைகள் மும்முரமாக நடந்து வரும் நிலையில், படத்தை அடுத்த வருட துவக்கத்தில் திரைக்கு கொண்டு வர படக்குழு திட்டமிட்டுள்ளது.
படத்தின் பர்ஸ்ட் லுக் போஸ்டரை படக்குழு நேற்று வெளியிட்ட நிலையில், படத்திற்கு `நட்பே துணை' என்று தலைப்பு வைத்துள்ளனர். ஹிப் ஹாப் தமிழா ஆதி இசையமைக்கும் இந்த படத்திற்கு, அரவிந்த் சிங் ஒளிப்பதிவு செய்துள்ளார்.
A Vertical Video Special of @hiphoptamizha 's Next Film - #NatpeThunai
— Think Music (@thinkmusicindia) November 4, 2018
Fans you can download this #ThinkVerticalStory from this link https://t.co/MH0be48RFM
@AvniGroups@khushsundar#SundarCpic.twitter.com/EfqWNq40TI
கரு.பழனியப்பன் முக்கிய கதாபாத்திரத்தில் நடிக்கிறார். இவருடன் விக்னேஷ் காந்த், பாண்டியராஜன், கௌசல்யா, ‘எரும சாணி’ விஜய், ஹரிஷ் உத்தமன், ஷாரா, ‘பழைய ஜோக்’ தங்கதுரை, அஜய் கோஷ், சுட்டி அரவிந்த், வினோத், குகன், புட் சட்னி ராஜ் மோகன், பிஜிலி ரமேஷ், அஷ்வின் ஜெரோமி உள்ளிட்ட பலரும் நடிக்கிறார்கள். #NatpeThunai #HHT2 #SundarC