பூஜையுடன் அடுத்த படத்தை துவங்கிய வைபவ்

வால்மேட் என்டர்டெய்ன்மென்ட் சார்பில் தினேஷ் கண்ணன் மற்றும் ஸ்ரீதர் தயாரிக்க, சாச்சி என்ற அறிமுக இயக்குனர் இயக்கும் படத்தில் வைபவ் நாயகனாக நடிக்கிறார். இயக்குநர் சச்சி திரைக்கதை, வசனகர்த்தா விஜியிடம் 6 ஆண்டுகள் பணிபுரிந்தவர் என்பது குறிப்பிடத்தக்கது.

இது பற்றி அவர் கூறும்போது, "எனது கதையில் நாயகனுக்கு தேவைப்பட்ட அப்பாவியான முகம் வைபவிடம் இருந்தது. அவர் எவ்வளவு பொருத்தமானவர் என்பது, அவர் நடித்த படங்களை பார்த்தாலே தெரியும்" என்றார். 

மேலும், "வால்மேட் எண்டர்டெயின்மெண்ட் சார்பில் தினேஷ் கண்ணன் மற்றும் ஸ்ரீதர்  தயாரிக்கும் இந்த பெயரிடப்படாத ரொமாண்டிக் காமெடி திரைப்படம் வித்தியாசமான திரைப்படம் ஒன்றும் இல்லை. என் படத்திலும் ஒரு நாயகன், ஒரு நாயகி மற்றும் ஒரு வில்லன். நாயகன் ஒரு நடுத்தர வர்க்கத்தை சார்ந்தவர், ஒரு எதிர்பாராத சம்பவத்திற்கு பிறகு அவரது வாழ்க்கை எப்படி மாறுகிறது என்பது தான் படத்தின் கதை. 

ஆனால், அதை படமாக்கிய விதம் ரசிகர்களுக்கு புதுமையான அனுபவத்தை கொடுக்கும். காமெடி நடிகர் சதீஷ் இந்த படத்தில் முக்கிய கதாபாத்திரத்தில் நடிக்கிறார். 

இந்த படத்தின் படப்பிடிப்பு பூஜையுடன் நேற்று துவங்கியுள்ளது. இந்த படத்தை வால்மேட் என்டர்டெயின்மெண்ட் சார்பில் ஸ்ரீதரும் டிரைடண்ட் ஆர்ட்ஸ் சார்பில் ரவிந்திரனும் இணைந்து தயாரிக்கின்றனர். #Vaibhav