டாடா பன்ச் EV-க்கு வேற லெவல் சலுகைகள் அறிவிப்பு
- இந்திய சந்தையில் கடந்த ஜனவரி மாதம் அறிமுகம் செய்யப்பட்டது.
- டாடா பன்ச் EV மாடல் 315 கி.மீ. ரேன்ஜ் வழங்கும் என சான்று பெற்றுள்ளது.
டாடா மோட்டார்ஸ் நிறுவனத்தின் பன்ச் எலெக்ட்ரிக் மாடலுக்கு முதல் முறையாக சிறப்பு சலுகைகள் அறிவிக்கப்பட்டு உள்ளன. அந்த வகையில், டாடா பன்ச் EV வாங்குவோருக்கு ரூ. 50 ஆயிரம் வரையிலான பலன்கள் வழங்கப்படுகிறது.
கடந்த ஜனவரி மாதம் அறிமுகம் செய்யப்பட்ட நிலையில், பன்ச் EV மாடலுக்கு முதல் முறையாக சலுகைகள் அறிவிக்கப்பட்டு இருக்கிறது. தற்போதைய தகவல்களின் படி டாடா பன்ச் EV டாப் எண்ட் மாடலுக்கு மட்டுமே ரூ. 50 ஆயிரம் சலுகை மற்றும் பலன்கள் வழங்கப்படுகிறது.
விற்பனையாகும் வேரியண்ட்களுக்கு ஏற்ப ஒவ்வொரு விற்பனை மையம் சார்பில் ரூ. 20 ஆயிரம் வரை தள்ளுபடி மற்றும் ரூ. 50 ஆயிரம் மதிப்பிலான காப்பீட்டு பலன்கள் வழங்கப்படுகின்றன.
டாடா பன்ச் EV லாங் ரேன்ஜ் மாடலில் 35 கிலோவாட் ஹவர் பேட்டரி உள்ளது. இதனை முழுமையாக சார்ஜ் செய்தால் 421 கிலோமீட்டர்கள் வரையிலான ரேன்ஜ் வழங்கும் என சான்று பெற்றிருக்கிறது.
டாடா பன்ச் EV ஸ்டான்டர்டு மாடலில் 25 கிலோவாட் ஹவர் பேட்டரி உள்ளது. இதனை முழுமையாக சார்ஜ் செய்தால் 315 கிலோமீட்டர்கள் வரையிலான ரேன்ஜ் வழங்கும் என சான்று பெற்றிருக்கிறது.