பைக்

கவாசகி W175 இந்திய வெளியீட்டு தேதி அறிவிப்பு

Update: 2022-09-20 08:25 GMT
  • கவாசகி நிறுவனம் இந்திய சந்தையில் புதிய W175 மோட்டார்சைக்கிளை அறிமுகம் செய்யும் பணிகளில் ஈடுபட்டு வருகிறது.
  • புது மோட்டார்சைக்கிள் டீசர் அந்நிறுவனத்தின் அதிகாரப்பூர்வ சமூக வலைதள பக்கங்களில் வெளியிடப்பட்டு இருக்கிறது.

கவாசகி W175 இந்திய வெளியீட்டு தேதி அதிகாரப்பூர்வமாக அறிவிக்கப்பட்டு இருக்கிறது. புதிய கவாசகி பைக் வெளியீட்டு தேதி கொண்ட டீசர் அந்நிறுவனத்தின் சமூக வலைதள அக்கவுண்ட்களில் வெளியிடப்பட்டு உள்ளது. அதன்படி கவாசகி W175 மாடல் இந்திய சந்தையில் செப்டம்பர் 25 ஆம் தேதி அறிமுகம் செய்யப்பட இருக்கிறது. அறிமுகமானதும் இது கவாசகி நிறுவனத்தின் குறைந்த விலை மோட்டார்சைக்கிள் என்ற பெருமையை பெறும்.

மற்ற W சீரிஸ் மாடல்களை போன்றே கவாசகி W175 மாடலிலும் வட்ட வடிவ ஹலோஜென் ஹெட்லேம்ப், வட்ட வடிவ அனலாக் ஸ்பீடோமீட்டர், முன்புற போர்க் கெய்ட்டர்கள், ஒற்றை இருக்கை, முன்புறம் டெலிஸ்கோபிக் போர்க், பின்புறம் டூயல் ஷாக் அப்சார்பர்கள் வழங்கப்பட்டுள்ளன.

இந்திய சந்தையில் கவாசகி W175 மாடலில் 177சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 13 பிஎஸ் பவர், 13.2 நியூட்டன் மீட்டர் டார்க் இழுவிசையை வெளிப்படுத்துகிறது. இந்திய சந்தையில் W175 மாடல் பியூவல் இன்ஜெக்ட் செய்யப்பட்ட என்ஜினை கொண்டிருக்கும். இதன் காரணமாக செயல்திறன் அளவுகளில் மாற்றம் ஏற்படலாம்.

பிரேக்கிங்கை பொருத்தவரை முன்புறம் டிஸ்க் பிரேக், பின்புறம் டிரம் பிரேக் வழங்கப்பட்டு இருக்கிறது. இது கவசாகியின் W800 ரெட்ரோ ஸ்டைல் மாடலை தழுவி உருவாக்கப்பட்டு இருக்கும் எண்ட்ரி லெவல் மாடல் ஆகும். இதில் டியர்டிராப் வடிவ பியூவல் டேன்க் வழங்கப்பட்டு உள்ளது.

Tags:    

Similar News