புதிய நிறங்கள், அசத்தல் கிராஃபிக்ஸ் உடன் 2024 கே.டி.எம். 790 டியூக் அறிமுகம்
- டெயில் பகுதியில் புதிய கிராஃபிக்ஸ் வழங்கப்பட்டு இருக்கிறது.
- புதிய டியூக் 790 மாடலில் LC8c என்ஜின் வழங்கப்பட்டு இருக்கிறது.
கே.டி.எம். நிறுவனம் 2024 790 டியூக் மோட்டார்சைக்கிளை அறிமுகம் செய்தது. புதிய டியூக் 790 மாடல் விரைவில் சர்வதேச சந்தையில் விற்பனை செய்யப்பட இருக்கிறது. 2017-ம் ஆண்டு அறிமுகம் செய்யப்பட்ட நிலையில், டியூக் 790 மாடல் அதன் செயல்திறன் மற்றும் அசத்தலான தோற்றத்திற்காக அதிக பிரபலமான மாடலாக இருக்கிறது.
2024 மாடலில் கே.டி.எம். நிறுவனம் டியூக் 790 மோட்டார்சைக்கிளை கிரே மற்றும் ஆரஞ்சு என இரண்டு நிறங்களில் அறிமுகம் செய்துள்ளது. இத்துடன் ஃபியூவல் டேன்க் எக்ஸ்டென்ஷன் மற்றும் டெயில் பகுதியில் புதிய கிராஃபிக்ஸ் வழங்கப்பட்டு இருக்கிறது. இவைதவிர இந்த மாடலில் வேறு எந்த மாற்றமும் மேற்கொள்ளப்படவில்லை.
புதிய டியூக் 790 மாடலில் LC8c என்ஜின் வழங்கப்பட்டு இருக்கிறது. இந்த என்ஜின் 103 ஹெச்.பி. பவர், 87 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு கியர்பாக்ஸ் வழங்கப்படுகிறது. இதன் முன்புறம் 43mm யு.எஸ்.டி. பின்புறம் பிரீலோடு அட்ஜஸ்ட் செய்யக்கூடிய மோனோஷாக் யூனிட் உள்ளது.
பிரேக்கிங்கிற்கு முன்புறத்தில் 300mm டுவின் டிஸ்க்குகள், பின்புறம் 240mm டிஸ்க் வழங்கப்பட்டு இருக்கிறது. இத்துடன் டூயல் சேனல் ஏ.பி.எஸ். மற்றும் டிராக்ஷன் கண்ட்ரோல் வசதி வழங்கப்பட்டுள்ளது. இந்த மாடலில் நான்கு ரைடிங் மோட்கள் உள்ளன. இத்துடன் டி.எஃப்.டி. கலர் டிஸ்ப்ளே வழங்கப்பட்டு இருக்கிறது.