இணையத்தில் லீக் ஆன 2022 கியா செல்டோஸ் ஸ்பை படங்கள்

கியா செல்டோஸ் மாடல் வெளிநாடுகளில் சோதனை செய்யப்படும் ஸ்பை படங்கள் பலமுறை இணையத்தில் வெளியாகி இருக்கின்றன. தற்போது 2022 கியா செல்டோஸ் மாடல் இந்தியாவில் சோதனை செய்யப்படும் ஸ்பை படங்கள் முதல் முறையாக லீக் ஆகி உள்ளது.

இந்த எஸ்.யு.வி. மாடல் இரண்டு வேரியண்ட்களில் கிடைக்கும் என தெரிகிறது. ஒரு மாடலில் அலாய் வீல்களும், மற்றொரு மாடலில் ஸ்டீல் வீல் கவர்களை கொண்டுள்ளது. இத்துடன் செங்குத்தாக இருக்கும் எல்.இ.டி. டெயில் லேம்ப்கள் உள்ளன. இதே போன்று புது மாடலின் முன்புற கிரில் மற்றும் எல்.இ.டி. டி.ஆர்.எல். உள்ளிட்டவை மாற்றங்களை எதிர்பார்க்கலாம்.

உள்புறம் ஹூண்டாய் அல்கசார் மாடலில் உள்ளதை போன்றே 10ய25 இன்ச் டிஜிட்டல் டிரைவர் டிஸ்ப்ளே, பானரோமிக் சன்ரூஃப், 360 டிகிரி கேமரா, ஹெட்-அப் டிஸ்ப்ளே, 10.25 இன்ச் இன்ஃபோடெயின்மெண்ட் ஸ்கிரீன், வெண்டிலேடெட் சீட்கள், ADAS போன்ற அம்சங்கள் வழங்கப்படும் என எதிர்பார்க்கலாம்.

புதிய 2022 செல்டோஸ் மாடலில் 1.4 லிட்டர் டர்போ பெட்ரோல், 140 பி.எஸ். பவர், 115 பி.எஸ். பவர் வழங்கும் 1.5 லிட்டர் பெட்ரோல், 115 பி.எஸ். பவர் வழங்கும் டீசல் என்ஜின் ஆப்ஷன்களில் கிடைக்கும் என தெரிகிறது. இத்துடன் 6 ஸ்பீடு மேனுவல், ஆட்டோமேடிக் ஆப்ஷன்கள், 6 ஸ்பீடு AT, 7 ஸ்பீடு DCT அல்லது CVT கியர்பாக்ஸ் போன்ற ஆப்ஷன்கள் வழங்கப்படலாம்.

Photo Courtesy: Rushlane