20.2.2023 முதல் 26.2.2023 வரை
புண்ணியபலன்கள் அதிகரிக்கும் வாரம். ராசி மற்றும் 10-ம் அதிபதி புதன் 5-ம்மிடமான பூர்வ புண்ணிய ஸ்தானம் செல்வதால் பூர்வ புண்ணிய ஸ்தானம் வலிமை பெறுகிறது. பொருளாதார நிலைமை மேம்படும். கொடுக்கும் வாக்குறுதி பலிக்கும். அரசியல்வாதிகளுக்கு பெருமை மிக்க உயர்பதவியில் அமரும் பாக்கியமுண்டு.
தொழிலில் புகழ்மிக்க நிகழ்வு நடக்கும். பிள்ளைகளால் ஏற்பட்ட மனச்சங்கடம் அகலும். உத்தியோகஸ்தர்களுக்கு விரும்பிய இடப் பெயர்ச்சி பதவி, ஊதிய உயர்வுடன் கிடைக்கும். சிலருக்கு பூர்வீகம் சென்று வரும் வாய்ப்பு உள்ளது. காதல் திருமண முயற்சி சித்திக்கும். சிலருக்கு மறுமணம் நடக்கும். கடன் பிரச்சினை யில் இருந்து முற்றிலும் நிவாரணம் கிடைக்கப் பெறுவீர்கள்.
24.2.2023 அன்று காலை 3.43 முதல் 26.2.2023 காலை 10.15 வரை சந்திராஷ்டமம் இருப்பதால் கை, கால், மூட்டு வலியால் அசதி உண்டாகும். முக்கிய பேச்சு வார்த்தைகளை ஒத்தி வைக்கவும். அமாவாசை யன்று சிவனடியார்களுக்கு அன்னதானம் வழங்கவும்.
'பிரசன்ன ஜோதிடர்'
ஐ.ஆனந்தி
செல்: 98652 20406