சென்னை:
ஐபிஎல் தொடரின் 52-வது லீக் ஆட்டம் டெல்லி பெரோஸ் ஷா கோட்லா மைதானத்தில் நேற்று நடைபெற்றது. இதில் டெல்லி டேர்டெவில்ஸ் - சென்னை சூப்பர் கிங்ஸ் அணிகள் பலப்பரீட்சை நடத்தின.
சென்னை சூப்பர் கிங்ஸ் கேப்டன் எம்எஸ் டோனி டாஸ் வென்று பந்து வீச்சு தேர்வு செய்தார். அதன்படி முதலில் பேட்டிங் செய்த டெல்லி டேர்டெவில்ஸ் அணி 20 ஓவரில் 5 விக்கெட் இழப்பிற்கு 162 ரன்கள் எடுத்தது. தொடர்ந்து பேட்டிங் செய்த சென்னை அணி 20 ஓவர்கள் முடிவில் 6 விக்கெட் இழப்பிற்கு 128 ரன்கள் எடுத்தது. இதனால் டெல்லி அணி 34 ரன்கள் வித்தியாசத்தில் வெற்றி பெற்றது.
இதையடுத்து நேற்றைய போட்டியில் தோல்வியடைந்தது குறித்து சென்னை சூப்பர் கிங்ஸ் அணி நிர்வாகம் டுவிட் ஒன்றை பதிவு செய்துள்ளது. அதில், விரைந்து மீண்டு எழவே வீழ்ந்தோம். வருகிற ஞாயிற்றுக்கிழமை புனேவில் அதையே திரும்ப செய்யும் எண்ணத்தில் நமது சிங்கங்கள் உள்ளன, என கூறியுள்ளது. #VIVOIPL #IPL2018 #ChennaiSuperKings
