விம்பிள்டன் டென்னிஸ் - ஜோகோவிச், சின்னர் 4வது சுற்றுக்கு முன்னேற்றம்

லண்டன்:

கிராண்ட்ஸ்லாம் போட்டிகளில் ஒன்றான விம்பிள்டன் டென்னிஸ் லண்டனில் நடந்து வருகிறது.

இதில் ஆண்கள் ஒற்றையர் பிரிவு 3-வது சுற்று ஆட்டத்தில் உலகின் முன்னணி வீரரான செர்பியாவின் நோவக் ஜோகோவிச், சக வீரர் கெக்மனோவிச்சுடன் மோதினார். இதில் 6-0, 6-3, 6-4 என்ற செட் கணக்கில் வெற்றி பெற்ற ஜோகோவிச் 4-வது சுற்றுக்கு முன்னேறினார்.

மற்றொரு சுற்றில் இத்தாலி வீரர் ஜானிக் சின்னர், அமெரிக்காவின் ஜான் இஸ்னருடன் மோதினார். இதில் 6-4, 7-6, 6-3 என்ற செட் கணக்கில் வீழ்த்தி 4-வது சுற்றுக்கு முன்னேறினார் சின்னர்.