ஆஸ்திரேலிய ஓபன்: நம்பர் ஒன் வீராங்கனைக்கு அதிர்ச்சி அளித்த 19 வயது வீராங்கனை

மெல்போர்ன்:

ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. பல முன்னணி வீரர், வீராங்கனைகள் பங்கேற்றுள்ள இந்தப் போட்டி வரும் 28-ம் தேதி வரை நடக்கவுள்ளது.

இதில் பெண்கள் ஒற்றையர் பிரிவில் நேற்று நடந்த 3-வது சுற்று ஆட்டத்தில் தரவரிசையில் நம்பர் 1 வீராங்கனையான போலந்தின் இகா ஸ்வியாடெக், செக் குடியரசின் லிண்டா நோஸ்கோவாவுடன் மோதினார்.

இதில் முதல் செட்டை இகா ஸ்வியாடெக் வென்றார். இதனால் சுதாரித்துக் கொண்ட லிண்டா நோஸ்கோவா அடுத்த 2 செட்களிலும் அபாரமாக விளையாடினார்..

இறுதியில், லிண்டா நோஸ்கோவா 3-6, 6-3, 6-4 என்ற செட் கணக்கில் ஸ்வியாடெக்கை வீழ்த்தி 4வது சுற்றுக்கு முன்னேறினார்.

சுமார் 2 மணி நேரம் 20 நிமிடங்கள் நடைபெற்ற இந்த ஆட்டத்தில் இகா ஸ்வியாடெக் அதிர்ச்சி தோல்வி அடைந்து ஆஸ்திரேலிய ஓபனில் இருந்து வெளியேறினார்.